Төгсөлтийн сургалтын суралцагсдад эрдэм шинжилгээний ажлын сэдэв, судалгааны ажилд зарцуулагдах зардлыг олоход тусалж, хугацаандаа амжилттай хамгаалахад дэмжлэг үзүүлэх, хамтран судалгаа, шинжилгээний ажил хийх боломжийг нээх зорилгоор АШУҮИС-ийн төгсөлтийн сургалтын суралцагсдад зориулсан өдөрлөг-ийг 2023 оны 03-р сарын 27-ны Даваа гарагийн 14:30 цагт зохион байгуулах тул хүрэлцэн ирэхийг урьж байна.
Өдөрлөгт хүрэлцэн ирснээр дараахь боломж нээгдэнэ. Үүнд:
- АШУҮИС-ийн хүрээлэн, төвүүд дээр хэрэгжиж байгаа төсөлд судлаачаар ажиллах боломжийн талаар мэдээлэл хүргэнэ. Төслийн багийн тавигдах шаардлагад нийцсэн магистрант, докторант уг төслөөр горилсон зэргээ хамгаалах боломж бүрдэнэ.
- АУ-ны доктор Б.Цогтбаатар “Мэдээлэлжсэн шийдвэр гаргалт” сэдвээр зочны лекц уншина.
- Судалгааны ажлын аргачлалд үнэ төлбөргүй зөвлөгөө өгнө.
- CAJMS cэтгүүлд өгүүлэл хэрхэн хэвлүүлэх талаар зөвлөгөө, мэдээлэл өгнө.
Мөн Эрүүл мэндийн шинжлэх ухааны төв номын сан судлаачдад зориулсан дараах үйлчилгээг үнэ төлбөргүй үзүүлнэ. Үүнд:
- Уншигчийн үнэмлэх захиалга, цахим ном ашиглах эрх нээх
- Ном зүйн удирдлагын Endnote программ үнэ төлбөргүй суулгах
- Олон улсын цахим мэдээллийн сан ашиглах эрх, арга зүйн зөвлөгөө
- Коха программ дээр сэдэвчилсэн хайлт хийх, лист ашиглах арга
Зохион байгуулагчид: Эрдмийн сургууль, Төгсөлтийн сургалтын бодлого зохицуулалтын газар, Эрүүл мэндийн шинжлэх ухааны төв номын сан
Оролцогч байгууллага:
· АШУҮИС-ийн Анагаах ухааны хүрээлэн
· АШУҮИС-ийн Био-анагаахын хүрээлэн
· АШУҮИС-ийн Нийгмийн эрүүл мэндийн хүрээлэн
· АШУҮИС-ийн Эмнэл зүйн молекул оношилгооны төв
· Бусад
